BETIS 0 - ATHLETIC CLUB 1: Denboraldiko azken partida, lehenengo garaipena

Athletic-ek aspaldiko partez garaipena etxetik at eskuratu zuen( Clemeneteren Murtziaren kontra irabazi zuen azken partida, La Condominan Murtziari 1-2 irabazi ondoren, 2008aren Maiatzean). Eta garaipena aspaldiko partez irabazi zuen Betis txar baten akontra, ideiarik gabekoa, erdialdeko jokorik gabekoa eta oso joko eta aukera eskasak erakutsi zituena Ruiz de Lopera futbol zelaian.Horren aurrean, bilbotarrek ez zuten partida bikaina egin, baina atzealdean sendo eta tinko aritu ziren, eta erasoan eraginkor, eta horrek nahiko eta soberan izan zen Sevillatik hiru puntuak eskuratzeko.

Partida hasieran ikusi ahal izan zen Betisen bajak ( Emaná. mehmet Aurelio eta Capi) pisu handia zutela anre jokoan, eta oso astiro eta sakontasunik gabe jokatu zuten partida osoan zehar zuri-berdeek.Athletic-ek eroso jokatu zuen, modu erosoan aritu zen partida osoan zehar, aurkaria kontrolpean izanez, eta betis-i aukerak eman gabe.Egia da erasoan ez zutela presentzia handirik izan, baina eraginkortasuna bai, izugarria izan zuten.horren adibiderik garbiena, Javi Martinez-ek 42 minutuan saruttako gola.Korner baten ostean, eta Castok sekulako aktsa egin ondoren, Etxeita zornotzarrak txilenaz errematatu zuen, baina Juanitok atepean atera zuen.Aldaratzea Susaetaren oinetan erori zen, eta honen erdiraketa bikaina era berean errematatu zuen Javi Martinez Castoren ate barrura, gol izugarria eginez, bilbotarren pozarako.

Bigarren zatian, Chaparrok, andaluziarren entrenatzaileak, aurrelariak sartu zituen, erasoko jokoaren bila, baina erdialdea galdua zeukan betis-ek eta zuri-gorriek kontrolpean izan zuten partida osoa.Bigarrena sartzeko parada ona izan zuten, baina Ion Velez-en aukera castok ondo atera zuen, eta bigarrenean, Javi Martinez eta Etxeita ez ziren fin ibili gola egiteko korner baten ostean.

Partida hiltzen joan zen, Hispalis-ekoek ezer egin gabe jarraitzen zutelarik.Partida osoko aukera bakarra Pavonek izan zuen 86. minutuan, baina haren kontrol txarraren ostean, Javi Martinez eta Iraizoz kornerrrera bidali zuten, baloia, azken aukera ezertan utziz, eta hiru puntuak bilbora alde egitea ahalbidetuz.

Hiru puntu hauekin, Athletic-ek 19 gehietzen ditu, azken lau partiduetan 10 puntu gehitu dituelarik, eta sailkapeneko alde erosoan kokatzen da, jeitsiera postuetatik 6 puntura.Espero dezagun 2009eko hasiera 2008 bukaera bezain ona izatea, eta geure taldeak aurrerantz egitea sailkapenean.