ZER GERTATZEN ARI DA AMOREBIETAREKIN?

Fernando Amorebieta Mardaras, Athletic-eko atzelariak, arazo bat dauka.Ez dakigu zer pasatzen zaion, ez dakigu nondik datorren, ez dakigu konfiantza arazoa, kalitate edota beste motako arazoa den, baina Amorebieta hau ez da pasa den urtekoa.

Ez du bururik, ez dauka zentzurik haren jokoan, tenplea galdu du aspaldian utzitako( eta orain berreskuratutako) erokeriaren ordez.Caparrosen eskua ez da nahiko izan agian? Bere partetik buruan zerbait gertatu da?

Amorebieta pasa den urtean sekulako denboraldia burutu zuen, Ocioren alboan Athletic atzealdean talde sendoa eginez.hau dela eta, zenbait talde indartsuk(liverpool-en izena ere entzun zen) berarengatik galdetu zuten.Guztia ondo zihoan , berarentzat, baina zerbait gertatu zaio aurten.

Ez dakigu Fernando bere burua izar bezala ikusi duen eta gehiago esforsatzea ez duen beharrezko ikusten, edota bere maila beste arazoengatik jeitsi den, baina argi dagoena zera da, pasa den uretan tigrea zirudiena, aurten eroetxetik ihes egindako megalomanoa dirudiela.

Pasa den igandeko partidan argi ikusi ahal izan genuen.Bodipo Deportivoko aurrelariak aurre hartu zion, baina atetik oso urrun eta ezer egiteko aukera gabe, eta Amorebietak penalty inuzentea egin zion, beharrik gabe eta infantil mailakoa.deportivoren bigarren gola izan zen.

Zer pentsatzen ari da Amorebieta? zer pasatzen ari zaio burutik? Eta larriena dena.....zergatik caparrosek ez du hamaikakotik kentzen? ez daude aukerak? Ustaritz eta Etxeita sekulako aukerak dira.matienakoak argi utzi du bere maila gaur egun Amorebietaren ( eta baita ocioren, baina hori beste gauza bat da ) mailaren gainetik dagoela, eta lesioak errespetatu ezean, Athletic honetan titular izan behar duela bai edo bai.Eta Etxeita zornotzarrak jokatu duena oso ondo egin du baita, eta agian mereziko luke baita titular izatea.

Espero dezagun Amorebietak aldaketa sakona eta momentukoa izatea, edo oso txarto pasatuko dugu denok, zaleetatik hasita, fernando Amorebieta bera arte.

CAPARROSENTZAT, AZKEN AUKERA

Joaquin Caparrosek azken aukera bat izango du Numantziaren aurka datorren igandean San mamesen jokatuko den partiduan.bertan, Athletic-ek funtsezko partida dauka, bai edo bai irabazi beharrekoa.Partida horren emaitzaren ondorio, Caparrosen burua jokoan egon daiteke, edo zuzenean, esan dezakegu partida hori athletic-ek ez badu irabazten, Utrerako entrenatzailea kanporatua izango da.

Caparrosek ez dio ezertxo ere eman taldeari.hau da, pasa den urtean, nahiko talde onarekin, salbazioa lortu zen modu lasai batean, baina gehien bat jokalariak zirela eta.Entrenatzaile baino gehiago predikadore gisa agertu da Caparros, eta jendea jadanik konturatu da hitzak baino gehiago jokoa ere behar dela, eta Athletic-eko entrenatzailea izatea hitz egitea baino zertxobait gehiago dela.

Moskeoa San Mamesen agerikoa da, eta sektore oso kritiko agertzen ari da lehen taldeko entrenatzailearekin.Adi egongo gara hurrengo partiduan zer gertatuko den, numantzia izan daitekelako caparrosen borreroa.partidan emaitza positiboa( irabaztea, azken finean) ez bada lortzen, oso posiblea da Macuak, nahiz eta bere apostu pertsonala izan, Caparros kanporatzea.

Adi egongo gara beraz, astean zehar zer gertatzen denari, eta hurrengo partidu bitalean athletic-ek zer egiten duen.Azken finean, hori bait da garrantzitsuena, zuri-gorriak irabaztea, caparros edo dagoena dagoelarik san Mameseko aulkian.

DEPORTIVO 3- ATHLETIC 1. BESTE PARTIDU KASKAR BAT, ETA ESKU HUTSIK BILBORA

Athletic-ek, beste behin, partidu txarra jokatu zuen atzo Riazorrren eta esku hutsik bueltatu behar izan zuen bilbora, 3-1 galdu ondoren, gainera, merezimendu osoz.Ez dakigu noren errua izango den, baina argi dago Caparrosen kreditua agortzear dagoela, eta zalegoa nahiko haserretuta dagoela Utrerakoarekin.

Partidua gogor hasi zen bi taldeen partetik, biek nahiko indar onez ekin zioten lanari.Aukerak izan zituzten bien partetik.baina talde galiziarrak jo zuen lehenik.Verdu-k zoragarri jaurti zuen falta baten ondrioz, Gorkak sekulako gelditua egin zuen, baina Ze Castro area barnean bakarrik, guztiz bakarrik , lehenengoa egin zuen Deportivorentzat.

Athleticek zorionez, erantzun ona izan zuen, eta bultzatuz eta bultzatuz, penaltya lortu zuen.jaurtitzera, iraola, eta atepean, Aranzubia.Bai, aurreko post berean aipatutako Aranzubia.Tokia aurkitu eta penaltya geratu zuen.Sinestezina.San Mameseko ateetan inoiz penaltyrik geratu ez, eta Riazorren lehengoan geratu, harrigarria.

Eta gauzak are txarrago jartzeko, Amorebietak, aurtengo denboraldian ematen ari den maila penagarriarekin bere zitara ez faltatzeko, penalty inuzente eta penagarria egin zion Bodipo-.ri-Verdúk ez zuen Iraolak bezala huts egin eta 2-0 jarri zuen.

Partidua ia galduta, Caparrosek bere kreditua arriskuan ikustean, arriskatu eta berdinketa bilatzen joan ziren zuri-gorriak.Javi Martinezek athletic.en jokalarien indarra eta kemean saritu zuen, buruz 2-1ekoa jarriz eta partiduari emozio pixka emanez.Athletic-ek aukera nabarmenak izan zituen partidua berdintzeko, baina argiena, Llorentek izandakoa, Javi Martinez berak atepean ateratakoa.

Azken segunduan, eta kontraeraso argi bat baliatuz, Guardadok partidua itxi zuen, athletic jeitsiera postuetan utziz eta haren entrenatzailearen burua hurrengoa partiduaren zain utziz baita.

ARANZUBIA

Daniel Aranzubia.Atezain errioxarra.Zenbait urtetan zehar San Mameseko atea zaindu zuena, auten Riazorreko atea babesten duena.Partida zaila eta aldi berean interesgarria oso izango da Danirentzat.

Lezaman urte askotan zehar egon ondoren, aukera izan zuen Heynckes-ekin lehengo taldearekin debutatzeko, eta modu onean gainera, partida ona egin baitzuen.Horrela, zenbait urtetan zehar, athletic-en aterearen jabe egin zen, zenbait garaitan Iñaki Lafuenterekin tartekatuz.

Gainera, nahiz eta etapa ilunak izan, nahiko maial ona eman zuen athleticek hazitako eta hezitako atezaina, eta harmailak nahiko alde zituen gainera, beti bultzatzen bait zuten Aranzubia.

Baina pasa den urtean, Caparrosen heltzearekin, Aranzubia jokatzeari utzi zuen. Gorka Iraizoz-en ailegatzeak athleticek ateraren ateak itxi zizkion, eta Kopan ezin izan zuen jokatu, Caparrosen erabaki ulertezin baten ondorio.

Horregatik, uda honetan irteera bilatzea adostu zuten bai athleticek eta baita jokalariak, eta lotina adi egon, eta bere Deportivora eraman zuen.Han maila ona ematen ari da, eta jendearen aurrean "hemen nago ni" esaten ari da, bere mailari eusten ari da, konfiantza eta partiduekin.

Beraz, igandeko Athletic-en kontrako partida berezia izango da Fuenmayor-akorentzat, bere talde ohiaren kontra izango delako, hazi eta hezi zen taldearen kontra.

FERNANDO LLORENTE

Fernando llorente Torres.Rincon de Stoko mutil altu, errubio eta begi-urdinekoa, azkenaldian modan jarri da, bere golengatik eta bereziki, ematen ari den maila bikainarengatik.Llorente orain dela 4 urte agertu zen zuri-gorrien panorama futbolistikoan, baina urteak eta urteak behar izan ditu haren jokoa hobetzeko.Lehen taldearekin jokatu zuen aurrenekoa partida Lanzaroteren kontra izan zen Kopan, eta hiru gol sartu zituen aurrelariak.Aldageletara heldu, eta lehen mailan jokatzea oso erraza zela adierazi zuen.

Llorentek oso denbora gutxi behar izan zuen haren errakuntza ikusteko.Jokalari biguna, arrazarik gabekoa zen orduan Llorente, eta atzelariak patatekin jaten zuten lehia bakoitzean.Urteak eta urtak behar izan zituen.Haien artean, Clementerekin bizi izan zuen etapa beltza.Barakaldoko misterra izugarri jipoitzen zuen iruñan jaiotako aurrelaria, eta oso aukera gutxi eman zizkion.

Baina pasa den urtean, Caparrosen heltzearekin batera, egoera aldatu zen.Llorente aukera gehiago izan zituen, konfiantza gehiago, eta haren jokoa hobetzen joan zen, gaur egungo aurrelari fin eta arriskutsua izatera ailegatu harte.

Egia esanda, lehoien gaur eguneko eraso jokoa ez da ulertzen Llorenterik gabe.Baloiak ari eman eta honek buelñta eman edota erdilariei baloiak utziz hasten ditu talde zuri-gorriak arrisku abagune guztiak.Alderdi honetan, bere garaian Ismael Urzaiz-ek egiten zuena egiten ari da Llorente.Atzelariak finkatu, baloiak bigarren lerroko jokalariei utzi eta errematatzera ailegatu.

Gainera, baloia oinetan duela, kalitate handiko jokalari bezala agertu da Fernando, eta hori are jokalri arriskutsuagoa egiten du errioxarra.Espero dezagun poraindik are gehiago haztea Llorente, horrek Athletic-en onean izango delako, logikoki.

Hobekuntza honekin batera, Espainiako selekzioaren deialdia ere on egin dio aurrelariari.Konfiantze gehiago izatean, haren jokoa hobetu beharko da, eta haren kideentzat ere motibazioa izango da jokalari garrantzitsua izatea aurrealdean.

Bere garaian txistuak entzun behar izan zituen, baina orain San Mamesen txaloak entzun ditu.Asko ikasi du azken urteotan, eta orain, goza dezagun Llorenteren jokoarekin, mutikoak merezi du eta, sufritu duena ikusita.Zorte on, Fernando.

ATHLETIC 2 - OSASUNA 0 MEREZITAKO FUNTSEZKO GARAIPENA

Athleticek, bazen garaia, denboraldiko bigarren garaipena lortu zuen Ligan, eta modu honetan, oxigenoa lortu zuen txapelketa domestikoan, eta Osasuna are gehiago hondaratu zuen lehen mailako saikapenean.

Irabaztea oraindik balore gehiago dauzka kasu honetan, etsai zuzen baten kontra izan delako, eta gehienbat, San mamesen izan delako, zalegoaren aurrean eta momentuz, orain arte ikustitako joko hobea ikusiz.

Partida aste osoan zehar oso garrantzitsu bezala kalifikatu da bai gorritxoen eta bai lehoien eskutik.Baina helere, berdegunera atera ahala, etxekoak izan dira jokoa eta aukerak eraman dituztenak.Horrela, bigarren minututik, zuri-gorriak gorritxoen atera hurbildu dira, David Lopezen jaurtiketa baten bitartez.Athleticek oso ondo hasi du partida, presio handia eginez, eta baloia eskuratuz.Argi dago talde honek sailkapena erakusten duen baino futbol gehiago daukala, eta eraso jokatuz askoz erosoagoa sentitzen dela.Horra hor mezua Caparros, ea zerbait ikusten duzun.

Fernando Llorente, berak bakarrik, Camachoren atzekaldea osoa arriskuan jarri du, haren gorputza aprobetxatuz, eta baloiak erdilariei utziz.Horrela, lehen gola hel du da.Llorentek, lehen ikutuan kontrol zoragarria egin du, bi atzelari atzean utzi, eta Robertoren gorputzera tiro egin du, baina aldaratzea Garmendiak hartu eta basauritarrak ez du huts egin.1-0 eta partidaren panorama argia bilbotarrentzat.

Athletic-ek goitik behera nagusitu da jokoan, eta aukera gehiago izan ditu markagailua zabaltzeko, baina Garmendiaren gol hutsaren joan gara atsedenaldira.Momentuz, joko ona eta aurretik markagailuan.

Baina bigarren zatia ezberdina izan da, guztia aldatu da.Caparrosek taldea atzera bota du, modu ulergaitzean, eta Osasunak lehengo aukerak sortu ditu, Pandiani eta Vadocz-en eskutik.Ezin daiteke ulertu lehoien atzera pausua, erasora jokatuz hobeto jokatzen dutelako.Halere, Caparrosen estiloa horrelakoa izan da beti, eta horregatik, haren futbolak ez du ilusio gehiegirik sortzen.Agian ez aurten, baina bilbotarren futbolak eta jokalariek entrenatzaile hau baino zertxobait hobeagoa merezi dute.

Zorionez, zuri-gorriek badute aurrelari aparta, Fernando Llorente.Izugarri hazi da Rincon de Sotokoa, eta orain aurrelari arriskutsu eta geldiezina bihurtu da.Bigarren gola, ia azken minutuan, aparta izan da, eta 1, 93cm-rekin oinekin egin duena egitea, oso jende gutxiren eskuetan dago.

Beraz, 2-0 eta bigarren garaipena.Orain , Deportivoren aurka garaipena Galizian bilatzera. garaipen garrantzitsua oso Camachoren taldearen aurkakoa, espero dezagun bolada on baten hasiera izatea.

RECREATIVO-ATHLETIC.SAILKAPENA ZIURTATZERA

Athletic-ek gaur errege kopako final zortzirenetara pasatu nahi dute Huelvan, joaneko 2-0 eko errenta aprobetxatuz.`Partidu garrantzitsua da bilbotarrentzat, kontuan izanda errege kopa oso txapelketa garrantzitsua dela hemen, Athletic historikoki lortu dituen emaitzengatik.Hortaz, ilusio handia dago jarrita kopan, eta jokalariek guztia emango dutela adierazi dute.

Caparrosek jokalriak mugituko ditu bueltako partiduari aurre egiteko.Lehendabizi, Iraola, yeste eta Etxeberria Bilbon utzi ditu, atsedena emateko, David Lopezekin batera.Partidurako deialdian, Iturraspe eta Etxeita Zornotzarra dira utrerako prestatzeailearen nobedadeak.

Jokatuko duen hamaikakoan, ziur aski nobedade asko egongo dira.Atean, Gorka, beti bezala, arituko da, Armando eta Lafuente atean utziz.Atzekaldean, lau jokalriko lerroa egongo da.Eskubian, Carlos Gurpegi arituko da normalean Iraolak hartzen duen tokian.Ezker hegalean, Koikili berriz aukerak izango ditu, oraindik Ligan izan ez dituenak, nahiz eta partida onak jokatu berdegunean egon den denboran.Erdialdetik ocio eta ustaritz arituko dira, baina posiblea da Etxeita debuta egitea.Zelai erdian, Iturraspe eta Javi Martinez gazteak arituko dira, taldea mugitzeko eta antolatzeko nahian.Ezker hegalean, Gabilondo añorgatarra mugituko da, Mallorcako partidu kaskarraren ostean.Eskuinean, Susaeta izango dugu, haren kalitatea eta desbordea erakusteko prest.Ez dakigu zergatik caparrosek ez du Susaetan gehiago konfiatzen, gehienbat duen maila izugarria kontuan hartuta.

Punta erdi lanetan Garmendia arituko da.Basauritarra beste aukera bat izango du haren jokoa egiteko, Huelvako taldeak hutsuneak utziko dituelako eta kontraerasora jokatzeko argi ibili beharko da garmendia.Azkenik, Fernando Llorentek, Mallorcako gol salbatzailearen ostean, berriro ere partidu ona jokatu beharko du, bere inguruko mamuak usatezko eta taldeko liderretako bat bilakatzeko.

EGOERAREN ANALISIA

Argi dago Athleticek, 10 jardunaldi pasata, oso egoera larrian aurkitzen dela, azkenaurrekoa salilkapenean, partida bakarra irabazita, gola egiteko arazo mordoa, barne arazoak, "aduriz" kasua, Rajoy eta Basagoitiren agerpen publikoa......

arazo asko dauzka Athletic-ek , baina kasu hauetan, baldintza txarretan geratu behar da argi hau talde ezberdina dela, eta ez soilik atzerritarrik gabe jokatzen duelako, ez, baizik Athletic de Bilbao taldeak suposatzen duenaren guztiarengatik eta haren historioa eta filosofia sekulakoak direlako baita.

Zaleak, guztiok, taldea babestu behar dugu momentu hauetan, San Mamesera joan, taldea bultzatu, animatu, momentu oro geure ahotsa entzun behar dute jokalariek.San Mamesen babesa ezinbestekoa suertatzen da denboraldia portu onera eramateko.

Jokalariek, bere partetik, argi utzi dute taldearekiko duten konpromezua eta instituzioarengandik duten errespetua.Jokalariek soilik jana antolatu zuten mentalizatzeko eta taldea egiteko, eta Mallorcan atzo kemena eta lehoien indarra agertu zuten, nahiz eta partida ez irabazi, baina bi golen errenta altxatu zuten oso partida zailean puntua eskuratzeko.

Hori da Bilboko taldeak izan dezakeen bide bakarra.Bularrean daramaten armarri hori kriston pisua dauka, eta kamiseta zuri-gorria eramatea ez da doakoa jokalarientzat, hura busti behar dute, jokalariek haien ardura hartu behar dute, zaleak geure hartu behar dugunaren antzeko.

Caparros, bere partetik , erruduna izango da partean, baina orain ez da momentua taldeari bizkarra emateko, baizik, entenatzailea, jokalariak, instituzioa...babesteko eta bultzatzeko.Txarragora badoa, Caparros aldatu eta datorrena bultzatu beharko dugu, ez dago beste aukerarik.

Arrazoi hauengatik, eta kamiseta zurigorria jantzi duten guztiengatik, jokalariek haren maila hoberena eman beharko dute.Gainza, Pitxitxi, iribar, urtubi, Sarabia, Ziganda, Guerrero, Rojo, irureta, Alkiza, Urrutia......eta izen askoz gehiagoren omenez, jokalariek egoera aurrera eraman behar dute.

ATHLETIC 3- MALLORCA 3 PUNTU AGONIKOA, BAINA FUNTSEZKOA

Athletic.-ek ez zuen garaipenik lortu Ono Estadira egin zuen bisitan, baina gutxienez, puntu bat urratu zuen Balear irletatik, partida nola joan zen ikusita, sekulako balio duena, matematikoki baino gehiago, moralki.

Nahiz eta egoera agonikoa izan, taldea jeitsiera postuetan eta soili garaipen batekin, talde honek duen konpromezua eta adorea sekulakoa da, eta balore horiek atzo atera ziren airera galduta zegoen partida bat berdintzeko.

Nahiz eta astean zehar Etxeberria bezalako jokalriek "final" gisa bezala definitu, ez zuen irudituko Athleticek finalik jokatzen zuenik, eta oso hotz atera zen zelaira.Juradok, Atletico de Madriden jokalari ohiak , nahi zituenak egin zituen Athletic-eko defentsaren aurrean, eta horrelako batean, Cléber Santanaren buruan jarri zuen baloia, eta Atletico de Madrik berak utzitako brasildarrak ez zuen huts egin eta maisuki baloia loratu eta gola egin zuen:1-0 eta berriro partidua korrontearen kontra bilbotarrentzat.

Erantzuna ez zen momentukoa izan, baina Athleticek aurrera egin zuen berdinketaren bila, Llorente, arratsalde osoan oso fin ibili zena, Mallorcako defentsak jan zituen, eta gola ia lortu ostean(Juradok baloia atepean atera zuen), athleticen aldeko penalty eragin zuen, Ramis-ek baloia eskuarekin ikutu eta gero.Iraolak ez zuen 11 metrotatik huts egin eta athletic txar batek berdinketa eraman zuen. Merezitakoa? agian.

Bigarren zatian lehoiek itxura hobeagoa eman zuten, aukera hobeagoak izanik.Halere, defentsaren akatsek..(beti defentsa) Athletic-en jokoa eta emaitza baldintzatu zuten.Aduriz lehoi ohiak bi baloi utzi zizkion Arangori, eta Venezolandarrak ez zuen huts egin bere ezker zoragarriarekin.3-1 eta partidu guztiz aldapaz gora.

Berriro ere, betikoa, Athletic-ek huts egin tea partidua galdu.Baina atzo ezberdina izan zen.Adorea erakutsi zuten zuri-gorriek, irabazteko grina eta nahia.Ion Velezek denboraldiko hirugarren gola sartu zuen, Yesteren pase zoragarri bat aprobetxatzean, eta Fernando Llorente, azken segunduan, berdinketa eta puntua lortu zuen bilbotarrentzat, merezitakoa eta landutakoa.

Argi dago beraz, asko sufrituko dutela lehoiek, baina atzoko bigarren zatiko adorearekin, eta jokoarekin, ez dute arazorik izango bigarren mailako infernua sahiesteko.

ATHLETIC-MALLORCA, finala 10.Jardunaldian

Bere historia luzeko boladarik txarrenetarikoan ( 5 partida segidan galduta), Athleticek kemena eta indarra atera behar izango du gaur arratsaldean Palma de Mallorcatik zerbait positiboa ateratzeko.Lehoien beste estropezu bat taldea oso jota utziko luke, eta Caparrosen burua, airean.

Horregatik, gaurko partidak garrantzi gehiago hartzen du.10. jardunaldi soilik izanda, Athleticek badauka "finaletaz" hitz egitea, tristea, bai, baina errealitatea horrelakoxea da.

Aduriz

Hori gutxi balitz, zuri-gorrientzat golak sartzen zituen aurrelari bikaina, Aritz Aduriz, beste taldean egongo da, geure atzelariekin leiatzeko eta bere talde ohiari golak sartzeko.Udan athleticek saldu ondoren, Palman maila ona ematen ari da, eta 3 gol darama jada, eta Bilbon faltan botatzen da izugarri.Horregatik, partidu "morbo" extra hori dauka, ikus dezagun gipuzkoarrak zer errendimendu ematen duen.

Lehoi ohia geratzeko, Gorka Iraizoz aldaezinaren aurrean Ociok eta azken orduan bueltatuko Ustaritzek defentsaren erdigunea osatuko dute.Espero dezagun Matienako haren maila ematea, ondo egon ezkero, zentral bikaina dugulako durangaldekoa.Eskuin hegalean, Iraola izango dugu, betiko lez, taldeko jokalaririk erregularrena eta finena.Ezkerraldean, Balenziaga gazteak Caparrosen konfiantzarekin jarraituko du, orain arte bezala, nahiz eta pasa den astean Vila-Realen kontra sekulako akatsa egitea.Espero dezagun atzekaldea ziuir egotea, eta atea hutsean ustea, horrela gutxienez Mallorcatik Athletic-ek puntu bat urratseko.

Erdialdean, Javi Martinez hamaikakora itzuliko da, Pablo Orbaizekin batera.Biek taldeari erritmoa eta potentzia eman beharko diote.Eskuinean, David Lopez arituko da, espero dezagun bere mailarik hoberena ematea.Ezkerrean, Gabilondo joka dezake, baina Susaetak baditu ere bere aukerak.Aurrealdean, Llorente zihur egongo da, eta bere alboan, Etxeberria, edo aukera gutxiagoekin, Ion Velez, arituko dira.

Baina izenak garrantzi gutxi daukate gaurko partidan.Taldea, Athletic da maila ona eman behar duena eta egoera aurrera atera behar duena.Espero dezagun gaur Bilboko taldea irudi ona ematea krisi honetatik ateratzea.

ATHLETIC 1 - VILLAREAL 4: BELTZA BAINO BELTZAGOA DEN ETORKIZUNA

Athleticek berriz ere galdu zuen atzo.galtzea albiste bera ez da txarrena, txarrena da talde honen inguruan gertatzen ari den guztia.Lehenengo zati zoragarri baten ondorioz, non Athleticen momentu onenak ikusi ziren, aukera paregabeak izan zituen atsadenaldira aurretik joateko, eta errenta handi batekin gainera.Zoritxarrez, golak sartu behar dituztenak ez dabiltzate fin edo Palma de Mallorcan daude.

Baina txarrena bigarren zatian etorri zen, irudi kaskarra baino kaskarragoa eman zuen Athleticek.Momentuz, talde suntsitu, apurtu bat ikusi genuen.San Mames horrela ikusi zuen baita, eta txistuak entzun ziren armailetan partiduaren bukaeran.Egoera honi buelta eman behar zaio, modu batez edo bestez. Agian Caparrosen aukera agortu da edo agian jokalariek erreflexio sakon bat egin beharko dute, baina argi dagoena zera da, talde honek zerbait behar duela, zerbait egoera alda dezan.

Partidua nola hasi zen ikustean lerro hauek idaztea ezinezkoa irudituko litzaiguke.Erasokor, joko arin eta trebe batekin athleticek gora egiten zuen batean bai eta hurrengoan baita.Diego Lopezek, batzuetan, eta Castelloneko defentsaren trebezia, besteetan, aukerak ezertan utzi zituzten.Momentuz, Valverdek entrenatutako athletic-k zoragarria ikusi ahal izan genuen, eta argi daogena zera da, talde honek nahi badu, bai entrenatzaile eta bai jokalarien aktitudea egokia bada, sekulako maila eman dzaketela.45 minutuz, athletic Villareal bezalako taldea lotu zuen, eta kriston mina egin zion, joko polita erakutsiz gainera.Halere, Villareal badauka Athletic-i falta zaion gauza garrantzitsu bat:GOLA. Ez zuten ezer egin, baina Balenziagak galdutako baloi baten ondorioz, Rossi italo-amerikarrak Vila-realentzat lehen gola egin zuen, markagailuan aurretik jarriz.Ezer egin gabe, etsaia aurretik.Historio zaharra aurten San Mamesekoa.Zorionez, eta Athletic-en joko onaren ondorio, laster berdindu zuten lehoiek , Etxeberriak bigarren zutoinean David Lopezen erdiraketa ikaragarri bat sareetara bidaltzean, buruz.

Aukerak izaten jarraitu zuen Bilboko taldeak, baina aurten Llorente eta besteak ez dabiltzate fin eta hori baldintzatzen ari da taldearen maila.Atsedenadiko otartekoa zapore gozoa izan zuen zaleentzat, markagailua baino gehiago, gure traldeak ematen ari zuen mailarekin konforme zegoelako harmaila.

Baina guztia aldatu zen bigarren zatian.Negargarria,Ahazteko modukoa.Ez jokorik, ez kemenik.Ezer, Vila-Real, beste munduko ezer egin gabe, bi jokalditan 1-3 jarri zuen, Iraizoz-en "cantada"ikaragarrien ondorioz, eta pàrtidua bukatu zen.Hil.se fini.Bigarren zatian itxura oso eskasa eman zuen Athletic-ek eta San Mamesen denboraldiko lehen txistuak entzun ziren, eta lurpean zeuden zenbait mamu Santi Mamiko zalegora bueltatu ziren.Altidorek, azken minutuan eta guztia galduarekin, espedienterako gola sartu zuen.

KOPAKO ZAPORE GAZI-GOZOAREN ONDOREN, LIGAN BEHARREZKO GARAIPENA

Athleticek, asteazkeneko Kopako garaipena lortu ondoren, txapelketa erregularrera bueltatu beharko da gaur gauean (20:00, La Sexta), ia ezinbestekoa den garaipena lortzeko.Athleticen egoera Ligan nahiko larria da , eta nahiz eta Castelloneko taldearen aurka lehen bueltako"everest"-a bukatu(Sevilla, Bartzelona, Real Madrid, Villareal), Caparrosen taldea oxigeno baloia behar du.

Horretarako, aurrean duen talde sendo eta indartsua gainditu beharko du, Villareal.Fernando Roig presidentearen eta Llaneza kirol zuzendariaren eskutik, talde horiak sekulako plantilla osatu du:Europako txapeldun diren Marcos Senna, Cazorla eta Capdevila;Ibagaza argentinarra, Llorente hondarribitarra, eta izen multzo luze eta zabala, guztiak kalitate handikoak.

Athletic-ek, bere partetik, Kopako garaipenarekin moralki indarra hartu du, eta jokalari eta zaleek partidaren garrantzia azpimarratu dute.Oraindik ez da "final" gisa izendatu, baina hurbil dago.Baina ez dezagun kontzeptua erratu, Athleticek jokatzera eta irabaztera atera behar da bere zalegoaren aurrean, zaleak masiboki joko dutelako San Mameseera Athletic animatzera.

Astean zehar ikusitakoaren arabera, Caprrosek jokalari multzo bera mantenduko du.Balenziaga ezker hegalera bueltatuko da, nahiz eta Kokiliren partida ona izan, eta arraroena, Amorebieta zentralera bueltatuko da, nahiz eta Ustaritz-ek partidu oso ona egin Recre-ren kontra.Erasoan, ziurrenik Ion Velez egongo da, beste eguneko partidu onaren ondorio, gol eta guzti.Bere alboan, Fernando LLorente , espero dezagun zorte gehiago izatea ate aurrean, ez dituelako partida txarrak jokatu, baina momentuz, ez du zorterik ate aurrean.

Beraz, Athletic-ek froga garrantzitsua dauka gaur Villarealen aurka, eta santu guztien eguna dela kontuan hartuz, espero dezagun gaur San Mames gutxienez pozik egotea.