CAPARROSEN BURUA, MOMENTUZ SALBU

Athletic-en talde direktiboak bilera garrantzitsua izango du gaur goizean Ibaiganen, Athleticen egoera larria analisatezko eta irteerak bilatzeko, bai plano moralean zein sozial edo ekonomikoan.Direktibak Caparrosengan konfiantza osoa mantentzen du momentuz, eta Barcaren eta Madrilen azken neurketak konfiantza hori erreforzatzeko balio izan dute, galdu arren Athletic-ek talde itxura eman zuelako, eta ohorez galdu zuelako bederen.

Halere, egoera guztiz alda daiteke bihar Athletic-ek Recreativo de Huelvaren kontrako Kopako partidan emaitza ona ateratzen ez badu.Aski ezaguna da Bilbo aldean txapelketa honek sortzen duen zirrara eta ilusioa, eta Caparrosentzat kolpe handia izango litzateke Kopako lehen partidan emaitza txar bat ateratzea, eta gainera, San Mamesen.

momentuz, talde direktiboak solik Macuaren aurrean minduta daudela adieraziko dio, bai Athletic-ek ematen ari den itxura deportiboarengatik, baita berak egindako zenbait egintzengatik, hala nola, beste egunean Mariano Rajoy Athleticeko kamiseta batekin argazkia ateratzea, jokalariak eta direktiboak jakinarazi gabe.

Espero dezagun Caparrosek geure taldearen itsaontzia ur lasaiagoetara gidatzea, haren zalantzagabeko profesionaltasuna eta esperientzian oinarritua.Zaleen babesa jasoko du Utrerakoak horretarako.

AURPEGIA EMAN, OHOREZ GALDU

Real Madril 3- Athletic Club 2

Athletic-ek ezin izan zuen punturik lortu Real Madril boteretsuaren aurka Santiago Bernabeu futbol zelaian, baina haren baloreak eta filosofia argi eta garbi defendatu zituen, munduko talderik hoberenetarikoaren etxean joko ona eta aukerak sortuz, eta talde madrildarra jakean jarriz partida osoan zehar.

Pentsa daiteke, bestalde, porrot bat porrot ba dela, edonon delarik ere.Halere, argi dago moralki sekulako balorea izan zuela atzoko partiduak.Athletic-ek behar zuen jendearen aurrean, eta gehienbat, haien buruaren aurrean erakutsi behar zuen Euskal Herriko 11 jokalariekin partidak iraaz daitezkela eta lehen mailan jokatu daitekela.Atzo bezalako partiduak jokatuz, argi izan dezatela Caparrosen mutilek zelak haren atzean izango dituztela, eta sorbalda ez diotela inoiz emango, atzoko jarrera eta jokoa erakutsiz.

Nahiz eta galdu, Athletic-ek aspaldian galdutako identitatea berreskuratu zuen, eta bihotza jarriz, eta baita jokoa ere, partidan jarraitu zuen.

"Gaur 7 sartuko dikigute...."

Partida gogor hasi zen, bi talde sendo eta indartsuak aurrez aurre.Athleticek ondo erantzun zion merengeen hasiera indartsuari eta baloiarekin mina egiten hasi ziren, gehienbat Michel Salgado ahaztuaren hegaletik.Galiziarra txarto pasatu zuen partida osoan zehar, eta bai Gabilondo eta bai Balenziaga ondo baino hobeto baliatu zuten Sergio Ramos-en zigorra.

Halere, taldearekin bat datorren ezaugarri balitz bezala, etxekoak haren kalitate zoragarria martxan jarri zuten, eta Athletic.e ndefentsaren opariak baliatuz, 2-0 jarri ziren markagailuan.Sneijder, ezkerrez egindako sartako zoragarri batekin markagailu ireki zuen, Amorebietaren (zenbat darama aurten?) akats larri baten ondorioz.Higuain, aurretik gol bat anulatu ziotenari, beste aukera paregabe bat baliatuko zuen, eta baita ezkerrez, Iraizoz gainditu zuen.Ordu erdian 2-0 jarriz.

Ugaon, Aker tabernan, markagailua ikusita, etsipena.Athletic-ek ez zen txarto jokatzen ari, baina Madrildarren pegada aparta balantza desbideratzen hasi zen."Gaur zazpi sartuko dizkigute", "urte guztietako istorio bera".Halere, pertsonalki, eta badirudi hau bentajista izatea dela, baina ez, nik pertsonalki espeor nuen Athletic-ek erreakzionatzea, partida ona jokatzen ari zelako, eta gol aukerak sortzen ari zelako, nahiz eta golik ez sartu.Horrela, eta tabernako zaleak txundituz, Athletic-ek 10 minututan markagailua berdindu zuen.

Epailearekin gora eta behera

Alvarez Izquierdo epaile katalanaren (bai, Schuster, katalana) "show"-a atsedenaldiaren aurretik hasi zen.Madrili ilegalki gola kendu zion aurretik, baina hori ez du justifikatzen Athletic-en kontra pitateza beste gauza guztiak, eta gehienbat , justifikatzen ez duena, Madrilgo prentsatik motibatzen ari den debatea da, ea Madrili laguntzen edo kentzen dioten epaileek.....Real Madril izanda......hori entzutea ere.....sinesgaitza dirudi bizitza osoan zehar opariak eta opariak jaso dituen taldeak orain negarrez egitea, harrigarria.Eta Mijatovic.en irudia, federazioan "esku beltz" bat ikusiz edo, patetikoa.Berak eta Schusterrek(azken zatian hitz egingo dugu bere jarrerari buruz) ematen ari diren Madrilen irudia patetikoa da, eta egunero anti-madridismoa fomentatzen ari dira toki guztietan.

Futbolera, eta gauza benetan garrantzitsuenetara bueltatuz, Athletic zoragarri erreakzionatu zuen, eta Yestek borrokatuta baloi baten ondorioz( bai, jaun-adreok, Yeste eta borrokatu esaldi berean), Etxeberria kapitain eternoari baloia erori eta honek maisuki baloia Casillasen gainetik loratu eta markagailuan aldea murriztu zuen.Hurrengo minutuetan Aker taberna mutu geratu zen geure jokalarien jarrear eta jokoarekin.10 minutu edo iraun zuen, baina bilbotarrak madril mapatik ebatzi zuten, Bernabeun.4 aukera garbi izan ondoren, Alvarez Izquierdo, futbola sarituz edo, athletic-en aldeko penaltya adierazi zuen.Ez da penalty garbia, baina Heinzek eskua aurpegian jartzen dio, eta horrela Llorenteren errematea ezintzen du:penaltya.Berdin dio madrilgo prentsa zer dioen, Heinzerena penaltya da eta kitto.

Eta honekin hasi zen saltsa.

Penaltya pitatu eta jaurtitzearen artean, Marcelo jokalari brasildarrak iraolak jaurti behar zuen tokiaren penalty puntua suntsitu zuen, guztiz, Iraolak penalty huts egin zezan.Zorionez, Usurbildarrak maisuki jaurti eta bikoa jarri zuen markagailuan.Marceloren esker ona bueltatzeko, Iraolak txalo batzuk eman zizkion aurpegian brasildarrari.Honek burua galdu eta hurrengo jokaldian Joseba Etxeberriari sarrera kriminala egin zion, tarjeta gorri zuzenekoa, argi eta garbi......horia!! soilik horia, eta kung-fu ostikada zirudien!! tabernan, amorrua, irainak, amorru bizia"con el madrid toda la puta vida es lo mismo" zioen batek.....ba hori....atsedenaldira bero-bero joan ziren guztiak.

Esku beltza??

Baina atsedenalditik bueltatzean, Athletic.ek pauso atzera egin zuen, eta Madrilek aprobetxatu zuen aurrea egiteko.Higuiain eta Heinzeren langen ondorioz, Higuain bera izan zen Madril aurretik jarri zuena, yeste erdialdean egindako akats larri baten ondorioz.Epaileari ere hankak dardarka jarri zitzaizkion, eta bernabeuren izena pisu gehiegi izan zuen, Amorebieta kanporatu zuen, arrazozi gainera, baina Pepe, Salgado, eta gehienbat, Marcelo kaleratuak izan behar ziren aurretik zurien aldetik eta hori ez zen gertatu.Esku beltza federazioan? ala agian esku zuria?Partidua zoratu egin zen, joan eta etorriko partida bilakatu zen, eta Athletic.ek, bai 11 zein 10 jokalariekin, aurpegia eman zuen momentu oro, talde honen berezitasunak nabarmenduz.Lan eskerga ikaragarria egin zuten leoiek, eta pepek llorenteri egindako penalty baten ondorioz(non dago konspirazioa Mijatovic jauna?), Llorente berak 30 metrotik misil izugarria bidali zuten Casillasen atera, baina zoriak ez zuen nahi Athleticen berdinketa eta zutoinak baloia kanporantz atera zuen, Athleticen azken aukera zapuztuz.

Schuster

Partidaren kronikarekin bukatzeko, Real Madril daukan entrenatzailearen figuraren ondoren hausnarketa bat egin behar da.Partida osoan zehar epaileari protestaka aritu zen, lehenengo minututik, eta Caparrosek , nazkatuta, erantzun zionean, Schusterrek harroputz aurpegia jarri eta bere jokalari garaiko harrokeriarekin, barre egin zuen.

Baina txarrena ez zen izan hori.Higuain-ek 3-2 jarri zuenean, Schuster athletic-en aulkiari begiratu eta "corte de mangas" bat egin omen zion, Athletic-eko jokalari guztiek adierazi zutenez.Hori ahal da Real Madrilen entrenatzaile baten irudia?Hori da eal Madril bezlako talde batek bere aulkian izan nahi duen indibiduoa, zerbait deitzeagatik?? Jokalari bezala zeukan harropuzkeria entrenatzaile gisa mantentzen du, eta norbait gelditu beharko dio, jarrera horrekin ezin delako inora joan.

Bukatzeko, entrenatzaile alemaniarraren hitz batzuk gogoratu nahi nituzke, Jokalari izanda esandakoak:"Ir a San Mames es peor que ir a Corea". Guztia esanda dago ez?? Oraindik San Mamesera etorri behar zarete.Zeu, Marcelo.....eta "koadrila" guzti hori.Bueltako partidan ikusiko dugu elkar.

BERRIZ ERE BERNABEURA....

Beno, ba urtero bezala, heldu da betiko etsaiaren etxera joatea momentua.Real Madril eta Athletic, Athletic eta Real Madril.Lehen mailan haien historia osoan zehar egon diren bi talde bakarrak( Bartzelonak barka diezagula). Espainair ligaren bi historiko.Bi talde.Bi herri.Garaipen bat.

Bi gestio modelu, bi tradizio, bi filosofia, bi zelai.Siuraski Bilbon nazka gehien dioten taldea dugu Real Madril, bai filosofiagataik, bai euskal zaleak Bernabeura joaten jaso duten trataeragaitik.....edozein dela ere, biharko partida ez da beste partidu normal bat izango.Egia da azken urteotan gauzak asko aldatu direla, bai futbolean, eta baita bi taldeetan ere, baina argi dago ribalitate historiko hori zelaian dagoela oraindik, eta geure taldearen izena oraindik errespetuta sortzen duela edozein zelaitan.

baina jo dezagun gaur egunera eta biharko Madrilgo partidara.Argi dago ez dela partida erraza izango, ziurrenik urteko partidarik zailenetarikoa izango da, baina argi dago Athletic-ek bernabeun ez daukala zer galtzerik eta arima zelaian usten badute zuriek beltzak ikusiko dituztela golak egiteko eta partida irabazteko.

Caparrosen kreditua jokoan

Joaquin Caparrosek bere etorkizunaren zati handi bat jartzen du jokoan partidu honetan.Berak inork baino hobeto badaki, eta hortaz, partida hau berarentzat final bat bezala aurkezten zaio.Bilbon pazientzia pixkanaka-pixkanaka hasi da galtzen jendea, eta Caparrosen proiektu iraultzailea ezertan geratzen hasi da.Astean zehar egoerari buelta emateko Ismael Lopez 18 urteko gaztea egon da lehen taldearekin entrenatzen, baita Iturraspe eta Etxeita gazteak, baina azkenean hiruetatik inor ez da sartu Bernabeurako deialdian.Argi dago Caparrosek lehenego taldeari atentzio toke bat bidali nahi izan diola honekin:edo jarrera aldatzen da, edo gazteei aukera emango diegu.

Real Madril, mindua

Turinen Champions League-eko partiduan galdu ondoren, Real Madril zauritu bat aurkituko du Athletic-ek aurrean.Siuraski Bernd Schuster-enak partidua arin irabaztera aterako dira, zalegoa bizkarra ematearen beldur.Athletic-ek, horren aurrean, pazientzia izan beharko du, jokalariak pilotaren atzean kokatu, defentsan aktibo eta agresibo(agresibo, ez zikin) ibili, eta orokorrean, kontzentrazio maila altua 90 mintuetan zehar mantendu.Real Madrilek ez ditu behar 7 aukera gol egiteko, nahiz eta Van Nistelrroy ez egon (munduko aurrelaririk apartena, ene ustean) talde madrildarrak badu polbora nahiko Athletic-i min egiteko hauek zuhur ez badira ibiltzen.

Bartzelonaren aurkako hamaikako antzekoa

hau ikusita, badirudi Utrerako entrenatzaileak ez dituela aldaketa nabarmenak egingo Bernabeuren partidari begira.Atzelari lanetan, Amorebieta eta Ocio arituko dira( noiz tokatuko zaio Ustaritz-i aukera, kontuan hartuta Amorebietaren maila?), eta erdialdean Orbazi eta Yeste erdialden arituko direla pibote gisa( Orbaiz azkenaldian txarto samar dabil, eta Yeste gorago azkos min handiagoa egiten du, non dago Javi martinez?, eta Iturraspe?), eta badirudi goian Ion Velez eta Etxeberria arituko direla(hau konfimatzen bada, bazen garaia Llorente aulkian esertzeko).Berdin dio nortzuk jokatzen duten, argi dagoena zera da, ez duela balio Madrilera puntu bat bilatzera joatea edo ohorez galtzera joatea, Athletic-ek partida bilatzera joan behar du hasiertaik, eta haren aurkariari aurpegira jokatu.

MAILA ESKASAREN ZENBAIT KLABE

Sarrera berri honen bitartez, Athleticiki zer gertatzen ari zaion analisatzen saiatuko gara, zer aldaketa somatu ditugun pasa den urteko taldearekin eta zein izan daitezke klabeak orain arteko akatsetan berriro ez erortzeko.Hau da, taldearen "diagnosi" bat egingo dugu, eta hori kontuan hartuta, irtenbide egokiak bilatzen saiatuko gara.

San Mamesen ahulezia

Argi dago Athletic-ek lokal gisa jokatzen duenean, faborito izan beharko zuela beti, baina aspaldidanik galdu zen etxeko indar paregabea.Aurten, urrutira joan barik, eta partida onak egin barik, Bartzelona, Getafe eta Almeria San Mamesetik hiru puntuak eraman dituzte, eta hiruetan, Getaferen partidan izan ezik, Athletic itxura kaskarra eman zuen, eta txarrena, gola egiteko eta aukerak sortzeko ezintasuna erakutsi zuen. Argi dago San Mamesek ez diola sorbalda emango taldeari, eta azken segunduraino animatuko dutela, baina zaleak animatzera bultzatu behar da, eta Caparrosek; bere erabaki zalantzagarriekin, Macua; bere asanbladaren inguruko "affaire"arekin, eta zenbait jokalari, haren jarrera indolentea dela eta, oso zail jartzen diote zalegoari animatzea.

Iazko defentsa gogrraren arrastorik ez

Pasa den denboraldian Athletic-ek paregabe defendatu zuen urte osoan zehar, eta urte bukaeran golen gutxien jasotzen zuen taldeen artean zegoen zuri-gorria.Aurten, iazko sendotasun horren zipitzik ere ez da ikusten.Ocio, baina bereziki, Amoprebieta, pasa den urteko mailatik oso urrun daude.Kantaurako atzelariaren kasuan, badirudi udako laudorio eta talde handien interesak burura igo zaizkiola, eta aurten partida kaskarrak baino ez ditu jokatu.Ocio, bere partetik, ez dabil hain gaizki, baina badirudi Ustaritz-ek aukerak izan beharko lituzkeela, eta Caparrosek Matienako zentralaren progresioa mozten ari dela.Iraola partida onak jokatu ditu, baina oraindik ez da bere maila onenera heldu eta ezkerrean, Balenziaga fitxatu zen ezkerhegala okupatzeko, eta hasieran ez du txarto egin, baina gazte samarra da oraindik hainbat minutu jokatzeko.Galdera argi dago: Non dago koikili lertxundi?Otxandiokoak pasa den urtean maila ona eman zuen haren lehen mailako estreinuan, baina, Caparrosek, gauetik egunera taldetik atera du, eta baita deialdietatik ere.Aukera bakarra gogor lan egitea eta sendotasun defentsiboa berreskuratzea izango da, hori izan behar bait du talde baten oinarria.

Athletic-en jokoaren definizioa eza

Athletic-ek aurten jokatu duen partidetan, argi geratu da jokoan azkartasunik eta garbitasunik ez dutela aurkitu, eta sortu duten arriskua baloi luzeetan sortu dutela, eta ez joko konbinatiboaren bitartez.Zelaitik kanpora ematen duen irudia, eta zalegoaren portzentai erraldoi batek esaten du hau, zera da, Athleticek zelaira atera eta ez dakiela zer estilo mota jokatu behar duen.Hau da, Athleticek ez daki zertara jokatzen duen.Guztia inprobisatuta dirudi, azken segunduan erabakia, ordenik gabe, entrenatzailearen agindurik gabe.Egoera hau Caparros egoera zail batean jarri du, zalegoaren aurrean gehien bat, eta irtenbide bat bilatu beharko du Utrerakoa.

Erasoan sekulako aulezia

Azkenerako siuraski talde honen akatsik larriena utzi dugu:golik ez duela sartzen.Eta are txarragoa dena: talde ez du arrisku sentsaziorik transmititzen, ez ditu gol aukera garbirik sortzen.Udan Aduriz saldu ondoren, nor sartuko ditu golak geure taldean? Konfiantza Llorenterengan jarri zen, baina argi ikusi da Fernandori ardura hori izugarri handia geratzen zaiola, eta oraindik asko geratzen zaiola ikasteke.Beste aurrelariak, Ion Velez, Iñigo Velez eta Etxeberria ez daukate edo ez dute eman beharrezko maila.Erdilariak ere indar gutxirekin ailegatzen dira gora, eta gehienbat, Caparrosen joko espekulatiboak futbol ofensiboa parada gutxi ematen dizkie Athletic-en jarraitzaileei.Badirudi datorren partidarako Ismael lopez nafartar gaztea zelairatuko duela Caparros, baina halere benetako apostu baino gehiago zalegorako gestu dirudi erabaki horrek.

Hauek dira, orokorki, Athletic-ek izan dituen arazoetako oinarriak, gutxi gorabehera.Ziur aski gehiago egongo dira, batzuentzat ezberdinak eta beste batzuentzat ez, baina argi dagoena zera da, zerbait aldatu egin behar duela Gure Bilboko taldean gauzak hobe joan dezaten, eta lehenbailehen.

INPOTENTZIAREN IRUDIA

Athletic 0- Bartzelona 1

Aker taberna, Ugaon.nagusiak kubata edo patxarana eskuan, gazteak oraindik basauriko jaietako erresakarekin. Telebistan, La Sextako astuna barregarriarena eginez, inolako lorpenik gabe.Airean, aurpegi luzeak baina jendearen barnean Bartzelona bezalako talde bati irabazteko benetako itxaropena.Komentario optimistak, anitz.Komentario negatiboak, baita.Caparrosen kontrako iritziak hamaikakoa dela eta.
Lehenengo zatia, Athletic ez partida ona egiten ari, baina gutxienez Bartzelonari aurpegira begiratzen ari da, eta zenbait aukera izan ditu falta eta kornerretan.Jendearen ilusioa piztea zaila du Caparrosek, haren planteamendu lotsati eta kontserbakorrarekin.Jubilatu batek Caparrosen burua eskatzen du, eta taberna osoa barrezka, gutxienez umore tartea, partidu kaskarra lizeritzeko.

Deskantsua.Irudi kaskarra, baina gutxienez aurkari gogorrari kontra egiten ari dira gureak.Kubaten bigarren txanda, batzuk zenbait badaramate eta komentarioak mailaz igotzen dira, alkoholaren ondorio."Caparros, atera ezazu Susaeta, coño" entzuten da tabernan.Lagunari so egin eta biok komentarioarekin ados gaudela ikusi.Atlhetic-ek ezin du aukerarik egin, ez dauka golik, ez polborarik ez ezer.Daukan bakarra zera da, merezi ez duen entrenatzaile bat.Inpotentzia.Maila guztietan, Barca, Messi eta Xavi gabe (egon izan balira ez dut nahi pentsau zer gertatuko liteke) athletic-i errepasu taktiko-fisikoa ematen ari da.Halere, partidua oraindik berdindua dago.

Henry, hiru jokalari gainditu( zergatik ez ote dio inor faltarik egingo?) , eta baloia Samuel Eto'ori eman.Nire alboan entzuten dut:"gol".Esan eta izan.Amorebieta atzean utzi( a zer nolako partida kaskarra Iurretakoa), eta maisutasunez, zoragarri, Iraizoz gainditu.Orain bai.tristezia, etsipena, inpotentzia.Aurpegi luzeak, komentario pesimistak, eta airean, infernuari aurrez aurre begiratzearen sentimendua.Horrela jokatuta infernura goaz.Eta txarrena da jubilatu horrek egia esaten duela.

Partidua bukatu da, baina ez epaile pitatzean, orain dela asko bukatu da, ia hasi baino lehen , athleticek gaur egun ezin diolako irabazi Barca "B" bati.tristea da horrela izatea, baina Ugaon apsa den Igandean usaintzen zen aroma berezia dezepzioarena eta inpotentziarena ziren.

Egoera aldatzea Caparrosen eta jokalarien eskuetan dago.Konfia dezagun haiengan, nahiz eta txarrak izan, geure jokalariak, Euskal Herrikoak, direlako.

ZAILA BAI, BAINA EZ EZINEZKOA

Athletic-ek asteburu honetan siuraski munduko talderik gogorrenetarikoaren kontra jokatuko du, Bartzelonaren kontra.Badirudi San Mamesen taldearen inguruan, haren zalegoaren barnean, tristezia eta pesimismoa ezarri direlaBeste egunean, mus partida baten erdian, lagun batek esan zidan, Athletic-ek 1 eta 9 galduko zuela san Mamesen... argi dago bartzelona talde oso indartsua dela, eta kriston jokalariak dituela, baina zaleak ezin diogu taldeari sorbalda eman, geure laguntza behar izango dute.

Aurrean, siuraski munduko talderik sendoena aurkituko dute, izarrez betea, eta gainera, entrenatzaile koherente eta azkar batekin gidatua, Pep Guardiola gaztea.

Samuel Etoo aurrelari kamerundarra munduko "9" arriskutsuena dago kontsideratua.Azkarra, indartsua, "pantera beltza" aurten aspaldiko gosea eta intentsitatea berreskuratu du, eta jadanik 7 gol egin ditu, 6 ligan.geure atzelariek oso adi egon beharko dute kriston sarraskia ez badute eraman nahi.

Leo Messi.Ez dago gehiago esaterik.Munduko jokalaririk onenetarikoa, askorentzat hoberena.Errregatea, gola.....Maradonaren hurrengoa?? ez dakigu, baina argi dago San Mamesentzat sekulako ametsgaiztoa izango dela, haren izkin eta amarruekin atzelari bilbotarrak zoratuko dituela.Azkenaldian Bartzelonako prentsan komentatu da Bilbon ez duela jokatuko, errotazioak direla eta, baina Bartzelona izanda, pardituarte ez dugu jakingo gauzak nola izango diren.Pasa den astean Argentinarekin jokatu zuen, baina Leo crack mundiala da, eta bidai luze baten ondorioz kapaza da kriston maila emateko.Espero dezagun zalegoa haren magia gehiegi ez ikustea.

Xavi Hernandez.Futbola hitz handietan, kontrola, pasea...futbolaren zentzua jokalari batean bildua.Askorentzat, bartzelonaren eta espainiako selekzioaren motorea.Kriston joko bisioa, zentzu taktikoa, inoiz ez du baloia galtzen.Munduko erdilaririk hoberenetarikoa dugu kataluniarra.

Pasa den eurokopako jokalririk onena izendatua, argi dago gaur egun munduko 10 jokalari hoberenen artean aurkitzen dela.Bearekin, talde kondala askoz argiuago ibiltzen da, bai erasoan eta baita atzekaldean ere, haren kolokazioa ere zoragarria bait da.

Andres Iniesta.Albazetekoa sekulako progresioa izan du azken urteotan, gaur egun jende guztiarengandik errekonozitua izan arte.Pasa den asteaskenean, Espainiako selekzioaren kriston gola egin ondoren, Butragueñok Queretaron sartu zuen antzekoa, motibatuta etorriko da Bilbo aldera.Espero dezagun Iraola, Ocio, Amorebieta...eta besteak, zuhur eta adi ibiltzea...

Aipatuetaz gain, Valdes, Abidal, Yaya toure, Henry, Alves, Serbio Busquets gaztea....kriston jokalariak ditu Bartzelonak lerro guztietan, munduko onenak edo onenetarikoak.

ETA HORREN AURREAN ZER?ba horren aurrean, geure jokalariek garra, kasta, borroka, animoa ...erakutsi beharko dute.Daramaten kamiseta merezi dutela berretsi beharko dute.Bestalde, 44.000 arimek guztia eman beharko dute, segunduro taldea animatzen, zalegoaren aportazioa Valdeseri lehenengo gola sartzea suposatuko litzatekelako.Beraiek baina kalitate gutxiago badaukate geure jokalariek, baina batzutan, esfortsuak, borroka, inoiz ez errendintzea.....beste guztia gainditu dezake, espero dezagun geure jokalariek antzniako gestak zalegoari gogoraraztea eta San mamesek igande magiko batez gozatzea.

GARMENDIAREN AUKERA OTE?

Joseba Garmendia, azken denboraldietan etapa beltzak igarotakoa, bere aukera izan dezake Barcelonaren aurka, San Mamesen.Basauriko jokalari gazteak, zenbait urtetan "betirako proiektua" zirudiena, pasa den urtean aukera gehiago izan zituen, eta bere kalitate eta maila handiaren arrastoa utzi zuen San Mameseko zalegoaren aurrean.

Lesioak eta kontinuitate falta betidanik baldintzatu dute jokalari honen errendimendua, baina haren kalitatea ezin da diskutitu eta gaur egun athletic-ek behar duena Joseba Garmendiaren eskuetan, edo hobeto esanda, oinetan, egon daiteke.Caparrosek azkenaldian bigarren aurrelari bat bilatzen ari da, Llorenterekin puntan aritzeko, eta zelaierdia eta aurrekaldea lotzeko.Garmendiak aukera hau baliatu beharko luke funtzio hori berea izan beharlo lukeela entrenatzailearen aurrean esateko eta zenbait kritikoen aurrean oso jokalari baliagarria dela frogatzeko. Gaztea, argia, baloiarekin arriskutsua....ene uste apalean jokalari honek geure konfidantza beharlo luke, gutxienez besteek bezala, edo gaztea izanik, are gehiago.Konfia dezagun garmendiaren mailan, eta espero dezagun Athletic-i une larri honetatik ateratzea laguntzea Basaurikoa.

Zer egingo du Macuak asanbladaren ezezkoaren aurrean??

Sarrera honen azpian ikus daitekenez, Macua oso larri atera zen asteaskeneko sozioen asanbladatik, eta bere gestioari eta modelo instituzionalari ezezkoa ematea zenbait gauza birplanteatzea ekarriko lukeela pentsatu genuen gehienok.

Halere, oso erabaki bitxian, Macuak asanbladatik paso egin eta resorte juridiko bat erabiliz, aurrekontuak eta beste proposamenak atera ahal izango lituzke asanbladaren babesa izan gabe.Honek prezedente beldurgarria ezarriko luke Athletic bezalako instituzio zahar eta tradizional batean, eta gainera, zentzu komunaren kontra joango litzateke zuzenean.Ze zentzu dauka "per se" edo "decretazo" bitartez junta direktiboaren proposamenak inposatzea?

Athletic futbol talde bat baino askoz gehiago da, hori guztiok badakigu, eta horregatik, kasu bitxi eta aparta delako, erabakiak taktu eta tentu handiz egin behar dira.Athletic-en masa soziala da taldea egiten duena, taldea sendotzen, errotzen duena, eta hortaz, Athletic bere zaleek nahi dutena izango da.

Bere erabakiak izan lezakeen ondorioak ikusiz, Macuak diskurtsoa lasaitu du, eta hitz apalagoak erabili ditu haren proposamena aurkezteko, baina rgi dagoena zera da, kasu honek kapitulu asko izango dituela, eta liburuaren hasieran gaude soilik.

KOLPE BIKOITZA MACUA ETA BERE TALDEARENTZAT

Pasa den asteazkenean, Fernando Garcia Macua eta bere talde direktiboa kolpe latza jaso zuten Athletic Club taldearen ohiko bilera orokorrean.Urte honetarako prestatua zeukaten aurrekontua bazkide konpromisarioen ezezkoa jaso zuen, 6 ordu luze eta gero bozkatzerako orduan.Bazkideek ezetz esan zioten Macuak planteatzen zuen prezioen igoera berriari, eta beraz, zerbait aldatu egin beharko da Athletic-en presidentearen planetan proiektua aurrera ateratzeko.Pasa den urtean egoera bera gertatu zen, baina Macuaren aldaketa txikiek egin zuten proiektua aurrera ateratzea.Aurten, bazkideek ez dute bigarren aldiz amua irentsi, eta egoera kaskarrean utzi dute Athletic instituzionalki.

Asanblada beltza izan zen Garcia-Macuarentzat.Urte honetako aurrekontuei ezetza eman eta gero, haren estatutuak aldatzeko planei ukoa ere eman zioten bazkideek.Zenbait konpromisarioen ahotan, athletic-en masa sozialak ezin lezake ulertu zer nolako aldaketa egin daitekeen estatutuetan soilik aurtengo direktibaren parte hartzailekin.
Egia esanda, badirudi gero eta gehiago kaleko jendea Macuren politika ekonomiko-instituzionalarekin desadostasuna agertzen ari dela, eta badirudi presidentearen irudi publiko ona gero eta gehiago loitzen ari dela, kaleko komentarioen arabera.

Halere, espeor dezagun krisi sozial eta instituzional honek ez dezala maila deportiboan eragin larririk izan, hori baitda benetan Athletic Club-a oinarritzen duena, futbola, eta ez beste edozer.

KASU BAKARRA FUTBOL PROFESIONALEAN

Pasa den astean, Joseba Etxeberria, athletic-eko jokalari beteranoak sekulako detailea izan zuen Bilboko taldearekin eta bere jarraitzaileekin, sinatu zuen kontratuan Athletic Club de Bilbao-ri azken urtea ordaintzea barkatzen ziolako.

Honekin, Etxeberria athletic-zale sentitzen garen guztion bihotzean tokia hartu du, eta ziur asko jokalaria ez dugu urte askotan ahaztuko.Argi zegoen horrelako gauza bat gertatzekotan geure taldean gertatu beharko zuela, baina halere ustekabean harrapatu ditu jarraitzaile guztiak erabaki hau.

Argi dago talde hau ezberdina dela zentzu guztietan, eta zerbait berezia duela, gaur egungo futbol globalizatu eta komertzial honetan soilik euskal herriko jokalariekin lehen mailan mantetzeko.Hori da talde hau handiena egiten duena, eta hori da bere jarraitzaileek inoiz sorbalda ez ematearen arrazoia.Argi eta garbi esan dezakegu bere garaian komentatzen zen hura, athletic is different.